Monday, July 28, 2014

Mga manggagawa, lalahok sa kontra-SONA rally para batikusin ang inekwalidad sa gitna ng pag-unlad

Press Release
July 28, 2014

Lalahok ang mga manggagawa sa pangunguna ng Partido ng Manggagawa (PM), unyong PALEA at ang koalisyong Nagkaisa sa kontra-SONA rally ng mga grupo mamayang hapon. Magmamartsa sila mula sa Tandang Sora hanggang Batasang Pambansa simula ng ala una ng hapon. Ang chapters ng PM sa Cebu, Negros, Davao at General Santos City ay magkakaroon din ng kahalintulad na pagkilos.

Planong batikusin ng grupong PM ang pananatili ng ekwalidad sa kabila ng ipinagmamalaki ng administrasyong Aquino na pag-unlad ng ekonomiya. “Puro salita at walang gawa ang islogan ni PNoy na inclusive growth. Paano matitikman ng mga manggagawa ang kaunlaran kung ayaw ni PNoy na tutulan ang kontraktwalisasyon at hinayaan lang ang pagtaas ng presyo ng mga pangunahing bilihin at mga gastusin gaya ng kuryente,” paliwanag ni Wilson Fortaleza, tagapagsalita ng PM.

Kaugnay ng kontrobersyal na DAP, panawagan ng grupong PM na maglunsad ng special audit sa mga pinaglalaan ng pondo sa pamamagitan ng isang independent people’s commission kasama ng COA.

Magdadala ang mga miyembro ng grupong PM ng mga cardboard na numerong “5” upang maging simbolo ng limang taong kawalang aksyon ng administrasyon ni Aquino sa mga kahilingan ng manggagawa. “Sa ika-5  SONA ni PNoy, busabos pa rin ang mga boss. Sa ika-5 SONA ni PNoy, walang naituwid na patakaran at walang naitawid mula sa kahirapan,” pagdidiin ni Fortaleza.

No comments: